1a	arya‐gaṇa (ta)va‐gaṇa bramacarya‐gaṇasa ubhayata‐saṃghasa saṇivaitasa pria‐dara sata thuva‐valasa śirasa pada vadati/BLANC
1b	Seṇavarma iśpare oḍi‐raya ṇavhapati viñaveti/
1c	io eka‐uḍe thuve yeṇa rayaṇeṇa pratiṭhavite tasa dayateṇame kadama sa deyasame yava me (bha)ta Varmaseṇasa ṇama atikramami/
1d	yada io eka‐uḍe dadhe tatra aṃñapi[x]
2a	mahia pidara‐pidamahaṇa mahaṃte aduvegaha thuva dadhate/
2b	mata Seṇavarmeṇa kiḍa hovati io ca eka‐uḍe mahaṃteṇa aroha-pariṇameṇa ṇiṭhite/
2c	ta same‐ṇiṭhita parakramami/
2d	iśa (e)ka‐kuḍami vijuvapati/tae [da]hiasa thuvasa vipariṇame kiḍe seme sarve upaḍa vitate mulaśave ukṣivita avaśita / tatra pratiṭhava
3a	ṇia lihitia / Utaraseṇa‐putre Vasuseṇe oḍi‐raya‐iṣmaho‐kulade se imo eka‐uḍo pratiṭhaveti/
3b	tedaṇi mula‐śale raañade Bhagavado śarira aho/
3c	Seṇavarme Ayidaseṇa‐putre ate ceva iṣmaho‐raja‐kula‐sabhavade oḍi‐raja
3d	sarva‐bhaveṇa sarva‐cedyasa samuṇa harita añe vivaveṇa aṃñe abhi‐
4a	‐praeṇa vivula vestario mula‐vato karita
4b	te tasa bhagavato abhuta‐puruṣa ṇara‐vara kujarasa maha‐sartha‐vahasa
4c	savatra dhamehi parama‐vaśi‐pratiprata ṇirdhada‐malaka
4d	sadata‐aṇega‐kapa‐śata‐sahasa‐kuśala‐mula‐samudaṇida
4e	savatha tava‐ṇidasa hada‐raga‐doṣa‐mohasa
5a	sarvasa jhaṇa‐aṇuśaśa‐mala‐khila‐aṃgaṇa‐gratha‐(v)iprahiṇasa
5b	sarvehi kuśalehi dhamehi abhiñehi jaṇa‐vala‐vimoha‐samasi‐samavati‐sapratipurasa
5c	dhatu praṭhavemi/
5d	ye tada tadiśate atma‐bhavate vayira‐saghaṇada aṃdima‐śarirate
5e	visayuyeṇa pacimaeṇa śarireṇa ṇiṣaye‐
6a	‐ta aṇutara‐vosi api savudha api savuṭhita
6b	te dhama tatha driṭha ya sake añe paśe ati‐aṇoma aṇasia
6c	te dhama api savuj̄hita sa vasaṃ‐ghara ṇa kṣaṃye
6d	sarva‐jati‐jara‐maraṇa‐bhaya‐viṇavatasa
6e	avayido gati‐kṣaya‐payosaṇe kiḍe
6f	ṇisaṇe sarva‐jadi‐jara‐maraṇasa tasa daṇi aṇuvatae
7a	pariṇivudasa ima dhadu śila‐paribhavita
7b	samasi‐praña‐vimuti‐ñaya‐deśa⟨ṇa⟩‐paribhavita
7c	ime śarireṇa tadagada‐prava‐diśa ṇivaṇa‐dhatu‐gade
7d	ta pratiṭhavemi/
7e	prasamucevata Bhagavataraha samasaṃvudho*
7f	dhata‐raga‐doṣa‐mokha daśa‐vala‐samuṇagata
7g	catvari‐veśaraya‐prata
8a	agro dakṣiṇea puyita/
8b	praceasavudharahaṃta‐ṣavaka‐aṇagami‐sadagagami‐
8c	⟨ṣo⟩davaṇi‐sarva‐arya‐pugala puyita/
8d	mata‐pita dukara‐cara athe
8e	ujhaṃda Jiva‐putra tiṭhata
8f	pida ca adhvatida Ayidaseṇo oḍi‐raya puyita/
8g	maharaja‐rayatiraya‐Kuyula‐Kataphśa‐putro Sadaṣkaṇo deva‐putro
9a	sadha aṇakaeṇa Suhasomeṇa aṣmaṇa‐kareṇa
9b	sayuga‐savala‐vahaṇa [sadha] guśurakehi sturakehi ca puyita/
9c	bhrada adhvatido Varmaseṇo oḍi‐raya
9d	tiṭhata ca Ajidavarmo Ayaseṇo ca kumara puyita/
9e	Bhadaseṇa raya upadae yava pravidamaha me Diśaseṇo oḍi‐raya sarva i⟨ṣma⟩ho‐raya‐kula‐sabhavo
10a	puyita/
10b	sarva pari⟨va⟩ro puyita/
10c	Bramo Sahaṃpati Śakro devaṇidro catvari‐maharaya aṭha‐viśati‐yakṣa‐seṇapati Hariti sa‐parivara puyita/
10d	sakṣiteṇa ovi ya maha‐ṇire apayato karita
10e	utvareṇa [a] bhavagro atraturo
10f	yavada satva uvavaṇa apada va dupada va catupada va vahupada va
11a	ruvi aruvi saṃñe asaṃñe
11b	sarva‐satvaṇa hida‐suhadae hoto/
11c	ayamedaṇe devasame aya ca ṣadha
11d	ye ca prasade se kimatraye hoto/
11e	ye teṇa Śakamuṇiṇa rahato samasavudheṇa
11f	dhamo abhisavudho mada‐ṇimadaṇo pivasa‐viṇayo
11g	alaya‐samugha⟨to⟩ sovato vasteto taṣ̄o‐kṣayo aśeṣo
12a	virago ṇiraso śato praṇito advarasa aṇijo aroga
12b	acata‐(n)iṭhu acada‐vrama io acata‐payosaṇo tatra amudae dhatue ṇivatato
12c	yatra imasa aṇavatagrasa sasarasa kṣaye payosaṇe hakṣati
12d	yatra imaṇa veda idaṇa sarve śidali‐bhaviśati/
12e	yeṇa imo eka‐uḍo thuvo ṇiṭhida ovi ṇiṭhi‐
13a	‐ta odaheati ite udhu
13b	deve va maṇuśe va yakṣe va ṇage va suvaṇi va gadharve va kuvhaḍe va
13c	se avi ya maha‐ṇira apadeati sa‐śarire ye vaṇa aṇumoti śati
13d	teṣu ide i puña kria ⟨su⟩ha‐aṇubhvae
13e	siasi likhita/
13f	ya śarira‐praiṭhavaṇia Saṃgha‐mitreṇa Lalia‐putreṇa aṇakaeṇa karavita/ Yaṣaḍi‐
14a	‐eṇa Sacaka‐putreṇa meriakheṇa ukedeya / Ba[ve]sareṇa Prea‐putreṇa tirotaṇa /
14b	vaṣaye catudaśaye 10 4 / BLANC
14c	iśparasa Seṇavarmasa varṣa‐sahasa‐parayamaṇasa
14d	śravaṇa(s)a masasa divase aṭhame 4 4
14e	io ca suaṇe solite Valieṇa Makaḍaka‐putreṇa gahapatiṇa/