[1] saṃ 20 20 10 1 mas̱a arthamisiya sastehi 10 4 1 imeṇa gaḍ̱ig̱eṇa kamagulyaputravag̱amareg̱a s̱a iśa khavadami kadalayig̱avag̱amareg̱aviharammi thu[ba]mmi bhag̱avada śakyamuṇe śarira pariṭhaveti [2] imeṇa kuśalamuleṇa maharajarajatirajahuveṣkas̱a agrabhag̱ae bhavatu madapidara me puyae bhavatu bhradara me haṣthunaḥmareg̱as̱a puyae bhavatu yo ca me bhuya ṇatig̱amitrasaṃbhatig̱aṇa puyae bhavatu mahiya ca vag̱amareg̱as̱a agrabhag̱apaḍ̱iyaṃśae [3] bhavatu sarvasatvaṇa arogadakṣiṇae bhavatu aviyaṇarag̱aparyata yava bhavagra yo atra aṃtara a[ṃ]ḍajo jalayuga śaśvetiga arupyata sarviṇa puyae bhavatu mahiya ca rohaṇa sada sarviṇa avaṣatrigaṇa saparivara ca agrabhagapaḍ̱iyaṃśae bhavatu mithyagas̱a ca agrabhaga bhavatu [4] eṣa vihara acaryaṇa mahasaṃghigaṇa parigraha