Collection Senior Maintainer Published
Contents MĀS3 Parallels Scribes RSS1
Frame 12.1–2 Fragment 12 Other ID
Type Date 140 Basis for date C14, inscription
Medium Birch bark Findspot Haḍḍa, Afghanistan ? Last known location University of Washington, Seattle, USA
Dimensions (cm) Lines (r) 50 Lines (v) 25
Editions Silverlock 2015 Other refs. Salomon 2003.1, 388; Allon 2007.3, 11–2; Allon 2014, 20; Baums 2014.4, 198
Comments Transcribed in meetings of the EBMP (2001) and by Mark Allon (2001–07). Formatting standardized (SB, 20111016). Updated for Silverlock 2015 (SB, 20161208).

Manuscrits bouddhiques du Gandhāra
The Senior Manuscripts
The Senior Kharoṣṭhī Manuscripts
Gandhāran Scrolls: Rediscovering an Ancient Manuscript Type
An Edition and Study of the Gos̱iga‐sutra, the Cow‐Horn Discourse (Senior Collection Scroll No. 12): An Account of the Harmonious Aṇarudha Monks
Recto

1. . . . /// [paḍ]‍(*i)‍[ṭ́havi]ṣu

2. (*ye ho vaṇa teṣ̱a aśpataṇa paḍama piḍae gramaḏo paḍi)///[k]‍(*r)‍[ama]ḏi so yeṇa

3. (*bhataga teṇa uasakrami uas̱akramita so asaṇaṇi pañaveḏi paṇiga)///[ḍa uvaṭ́hav]‍(*e)‍[ḏ]‍(*i) [padi] uva[ṭ́hav]‍(*e)‍[ḏi uda]patraḏa ⟪ud[a]k[a]laḍi⟫ [ṭ́ha]‐​

4. (*veḏi avakarabhayaṇa uvaṭ́haveḏi . . . bhujaḏi) /// phakramaḏi ye ho vaṇa teṣ̱̄a aśpataṇ[a] pac̄i pi‐​

5. (*ḍae gramaḏa paḍikramaḏi sae bhata patre pariyata bhujaḏi sae ṇa pa)///[r]‍(*i)yata bhoḏi avakarabhayaṇaḏa grahita

6. (*bhujaḏi so asaṇaṇi yasabhumi paḍihameḏi paṇigaḍa yasabhumi) /// [paḍi]hameḏi paradhoṇigaḍa yas̱abhumi pa‐​

7. (*ḍihamedi . . . avakarabhayaṇa dhovita yasa)///bhumi paḍihameḏi ta1 praḏeśi samajahita

8. (*prakamaḏi . . . praviśaḏi . . . ) /// [ki] saha ḏema a ḏarmia pakṣea pa [ya] j[i]a ye ho

9. . . . /// ⟪ya⟫ [re] bhoḏi eka a. ṇ. ? ⟪ha⟫ ? ? ? [śa] sa bhoḏi duḏie

10. (* . . . sarvaratra dhami)///e [ka]sae aḏiṇ[a]meti asa u bhag̱ava sahiṇa‐​

11. (*samaya paṭisaliṇa uṭ́hiḏa yeṇa Gosig̱asalavaṇadag̱a) /// t[e]ṇa uasakrami adaśaḏi dag̱apale bhag̱avata dure

12. (*ag̱achata drispa bhagavata eḏaḏ aya ma ṣamaṇa pra)///[vi]s[a] (*e)ḏ[a] ḏae ḏaspa tatra trae kulaputra vihara[ti]

13. (*Aṇarudha Ṇadio Kibhire ma teṣ̱a aphraṣu agasi) /// [a]śroṣi aïṣpa Aṇarudha {a}rahog̱aḏa puḏisprali

14. (*diveṇa śrotreṇa viśudheṇa aḏikratamaṇuṣeṇa dag̱apalasa bhag̱avaḏa) /// [sadha] h[i]ḏam evarua atarakas̱as̱alava as̱a u aï‐​

15. (*ṣpa Aṇarudha dag̱apale eḏaḏ aya ma dag̱apala bhag̱avata vare)///[a] śasta m⟨*e⟩ bhag̱ava aṇupata asa o aï‐​

16. (*ṣpa Aṇarudho eva eḏa dag̱a praviśi praviśita yeṇa aïṣ)///[pa ya] Ṇadio aïṣpa ya Kibhire teṇa uasakrami

17. (*uas̱akramita paḏa vadita ekamata2 ṇiṣ̱iḏi ekamata3 ṇiṣaṇa eḏad aya avikramas̱a aüṣ̄a avikrama)///[s̱a] aüṣ̱̄a śasta me bhag̱ava aṇupate eva aüṣ̱̄a ⟪ḏi⟫

18. (*aïṣpa ya Ṇadia aïṣpa ya Kibhire aïṣpas̱a Aṇarudhas̱a paḍiśruṇita) /// [u]ṭ́hahi asaṇaḏa as̱a u aïṣpa ya Aṇarudhe aïṣpa ya

19. (*Ṇadio aïṣpa ya Kibhire bhag̱avata pacugatva eḏaḏ aya svagata bhate bhagava aïṣpa) /// [A]ṇarudha bhayavaḏa patracivara paḍigaheṣ̱u aïṣpa Ṇadio ⟪bhagavaḏa⟫ śeṇasaṇo

20. (*pañavesi aïṣpa Kibhire paḏoḏag̱a uvaṭ́havesi ṇiṣ̱iḏi bha)///[gava] pañate va pañate va as̱aṇa ṇiṣ̱aca e bhagava aïṣpa

21. (*Aṇarudha eḏaḏ aya kaca vo Aṇarudha khamaṇio kaca yavaṇio kaca piḍaeṇa) /// [ṇa] kilamas̱a taga vae bhate aspahu khamaṇio taga yava‐​

22. (*ṇio taga piḍaeṇa ṇa kilamama kaca vaṇa vo Aṇarudha samagra viharas̱a samoḏaya)///m[aṇa] taga vae bhate samagra viharama samoḏayamaṇa iśe mama

23. (*eva bhoḏi lava me suladhalava me ye aho evaruei sabramayaraei sadha ṇivaso kapemi) /// [tasa] mama imeṣ̱a aśpataṇa metra kayiame pacuastiḏa bho‐​

24. (*ḏi avi yeva raho ya metra vayiame metra maṇoame tasa mama eva bhoḏi ya ṇu)///ṇ[a]h(*o) spaya ayiprao ṇikṣivita imeṣ̱a aśpataṇa citava‐​

25. (*śeṇa vatea so aho bhate spaya ayiprao ṇikṣivita imeṣ̱a aśpataṇa citavaśeṇa vatami ṇaṇa hi o ṇo kaya) /// eka maña cite aïṣpa va Ṇadio aïṣpa va Kibhi[re]

26. (*bhagavata eḏaḏ aya iśe mama bhate eva bhoḏi lava me suladhalava me ye aho evaru)///ei sabramayaraei sadha ṇivaso kapemi tasa mama

27. (*imeṣ̱a aśpataṇa metra kayiame pacuastiḏa bhoḏi avi yeva raho ya metra vayiame metra maṇoame tasa mama eva bhoḏi ya ṇu)///[ṇa] (*a)‍[h]‍(*o) [spa]ya ayipraho ṇikṣivita imeṣ̱a aśpataṇa citava‐​

28. (*śeṇa vatea so aho bhate spaya ayiprao ṇikṣivita imeṣ̱a aśpataṇa citavaśeṇa vatami ṇaṇa hi o ṇo kaya eka mañe cite sasu sasu Aṇarudha kaca vaṇa Aṇarudha tuspae va samagrehi eva sa)///[m]oḏamaṇe viharate asti ki ci4 utvara maṇuśadharma vi‐​

29. (*śeṣaphraṣ̱avihara as̱ig̱aḏa aya bhate aspae va samagrehi eva samoḏamaṇe)///[h]‍(*i) vihara[tei] asti utvari maṇośadhame viśeṣ̱a‐​

30. (*phraṣ̱avihara as̱ig̱aḏa iśe vae bhate yavaḏe ag̱akṣama vi)///vite yeva kamehi vivita pavaehi akuśal[e]‐​

31. (*hi dharmehi savitarka savicara viveg̱a)///[ja] piḏisuho paḍama jaṇa vas̱apaja viharami aya

32. (*ho bhate aspae va samagrehi eva samoḏamaṇehi viharatehi aya utvari maṇuśadharma) /// [vi]śeṣ̱aphraṣ̱avihara as̱ig̱aḏe sasu sasu Aṇarudha

33. (*kaca vaṇa Aṇarudha imasa viharas̱a sama)///ḏikramae paḍipaṣadhie asti aña utvari ma‐​

34. (*ṇuśadharma viśeṣaphraṣ̱avihara as̱ig̱aḏa aya bhate aspae va sa)///[ma]gr(*e)hi eva s̱amoḏamaṇehi viharatehi ima‐​

35. (*s̱a viharas̱a samaḏikramae paḍipaṣadhie asti aña utvari maṇuśadharma) /// [vi]śeṣ̱apaṣ̱aviharo as̱ig̱aḏa iśe vae bhate ya‐​

36. (*vaḏe ag̱akṣama vitarkavicaraṇa vuaśama ajatva sapras̱aḏa ceḏas̱o ekoḏi)///bhave avitarka avicara samahiḏe priḏisu⟨*ho⟩ biḏi ca‐​

37. (*ṇa vas̱apaja viharama aya ho bhate aspae va samagrehi eva s̱amoḏamaṇe)///hi viharatehi imas̱a viharas̱a samaḏikrama‐​

38. (*e paḍipaṣadhie ayaña utvari maṇuśadharma viśeṣ̱aphraṣ̱avihara as̱i)///[ga]ḏa [sa]s̱o Aṇarudha kaca Aṇarudha tuspae va samagre eva samo‐​

39. (*ḏamaṇehi viharatehi imasa viharas̱a samaḏikramae paḍipaṣadhie asti a)///[ña] utvari [ma]ṇuśadhama viśeṣ̱apaṣ̱avihara

40. (*as̱ig̱aḏa aya bhate aspae va samagrehi eva samoḏamaṇehi viharate)///[h]‍(*i) [ima]s̱a viharas̱a samaḏikrama paḍapaṣadhie

41. (*asti aña utvari maṇuśadharma viśeṣaphraṣ̱avihara as̱ig̱aḏa iśe) /// [vae] bhat[e] yavaḏe agakṣami piḏia e virag̱ae uve‐​

42. (*kṣae e viharama śpaḏa ya saprayaṇa suho ya kayeṇa praḏisabedama ya ta aria) /// aïkṣati uvekṣae spaḏima suhavihara triḏi caṇa vas̱a‐​

43. (*paja viharama aya ho bhate aspae va samagrehi eva s̱amoḏamaṇehi viharatehi ima)///sa viharas̱a samaḏikramae paḍipaṣadhi ayaña utvari

44. (*maṇuśadharma viśeṣaphraṣ̱avihara as̱ig̱aḏa yava caü)///[ṭ́ha] caṇa eva yavaḏ eva sasa Aṇarudha kaca vaṇa tuspae va

45. (*samagrehi eva samoḏamaṇehi viharatehi ima)///[s̱a viha]‍(*ra)‍[s̱a] samaḏikrama paḍipaṣadhie asti aña utva‐​

46. (*ri maṇuśadharma viśeṣaphraṣ̱avihara as̱ig̱aḏa aya bhate aspa)///[e va] samagr[a] eva samoḏaemaṇe viharata asti aña

47. (*utvari maṇuśadhama viśeṣaphraṣ̱avihara as̱ig̱aḏa iśe vae bhate) /// [yavaḏe agakṣami] sarvaśa ruasañaṇa samaḏikrama

48. (*paḍigrasañaṇa astag̱ama ṇaṇatvasañaṇa amaṇis̱iara a)///[ṇat]‍(*o) [ag̱a]śa ti ag̱aśacañaïḏaṇa vasapaca vihara‐​

49. (*ma aya ho bhate aspae va samagrehi eva samoḏamaṇehi viharatehi) /// imasa viharasa samaḏikramae pa[ḍi]paṣadhi ayaña

50. (*utvari maṇuśadharma viśeṣaphraṣ̱avihara as̱ig̱aḏa yava sa)///[rvaśa ṇ]‍(*e)‍[vasa]ña⟨*na⟩sañaïḏaṇaṇa5 samaḏikrama sañaveḏa⟨*ïḏa⟩ṇi‐​

Verso

51. (*ros̱a vas̱apaja viharama prañae drispa asrava parakṣiṇa yava sas̱u sas̱u Aṇarudha ṇa asti) /// [taḏ]‍(*e) [utvar]‍(*i)‍[ḏa]ra phraṣ̱avihara as̱a o bhag̱ava aïṣpa ya Aṇa‐​

52. (*rudha aïṣpa ya Ṇadia aïṣpa ya Kibhire dhar)///[mi]e [kas̱a]e sadaṣeṣ̱i samaḏaveṣi samuteyeṣ̱i

53. (*saprahaṣeṣ̱i as̱a o bhag̱ava te aśpata dharmia kas̱ae sadaṣita samaḏavita samute)///[yi]ta saprahaṣ̱⟨*i⟩ta uṭ́hahi as̱aṇaḏa pakama

54. (*as̱a o aïṣpa ya Aṇarudho aïṣpa ya Ṇadio aïṣpa ya Kibhire) /// [bha]g̱avaḏa mahuta aṇuvadhita taḏe yeva praḏiṇivatita

55. (*aïṣpa ya Ṇadio aïṣpa ya Kibhire yeṇa aïṣpa Aṇarudho teṇa uas̱akrami uas̱akramita paḏa vadita ekamata) /// [ṇiṣ̱i]ḏisu ekamata ṇiṣ̱aṇa aïṣpa

56. (*ya Ṇadio aïṣpa ya Kibhire aïṣpa Aṇarudha eḏaḏ aya ki) /// [ṇo] vae aïṣpasa Aṇarudhasa uas̱akramita eḏa‐​

57. (*m artha areyes̱i vae imae ya imae ya samavatie vihara)///[ta] prañae drispa asrava e parakṣiṇa taïḏa aï‐​

58. (*ṣpa Aṇarudha bhag̱avaḏa samukha yava asravaṇa kṣaya prag̱aśayi ḏe ṇa ho)6 /// aśpata7 ⟪vo traya⟫ uas̱akramita eḏam artha areyes̱i

59. (*vae imae ya imae ya samavatie viharata prañae drispa asrava) /// [pa]rakṣiṇa drigaratre me aśpata⟨*ṇa⟩ ceḏas̱a ceḏas̱a

60. (*parivitarke aña aśpata imae ya imae ya samavatie vihara)///[ta] prañae drispa asrava parakṣiṇa devaḏa mi u‐​

61. (*asakramita eḏam artha areyes̱i aśpata imae ya imae ya sa)///[ma]vati⟨*e⟩8 viharata prañae drispa asrava parakṣiṇa

62. (*taïḏa aho bhag̱avado samukha yava asravaṇa kṣaya prag̱aśa)///yi ḏe asa o bhag̱ava mahuṭ́ha mag̱eṇa gatva maga‐​

63. (*ḏe okramita añeara rukṣamula ṇiṣae prañate va) /// [pra]ñate va as̱aṇa ṇiṣ̱iḏi {{[ṇi]}} as̱a o Driga ḏe‐​

64. (*vaḏa yeṇa bhagava teṇa uasakrami uas̱akramita bhag̱avaḏa paḏa) /// [va]dita eka[mata a]ṭ́has̱i ekamata {a}ṭ́hiḏe9 ye Dri‐​

65. (*ga devaḏa bhagavata eḏaḏ aya lava Vajiṇa suladhalava Vajiṇa yatreḏe tra)///[e] kulaputra viharati Aṇarudha Ṇadia Ḵibhire

66. (*evam eḏa Driga evam eḏa lava Vajiṇa suladhalava Vajiṇa ya)///[tr]‍(*e)ḏe trae kulaputra viharati Aṇarudha Ṇadia Ḵibhi⟪re⟫

67. (*yaspi kulaḏa eḏe trae kulaputra ag̱araḏa spaṇag̱aria parvayiḏa pra)///[s̱a]ṇacita eḏe tae kulaputra aṇusparea aspi ku‐​

68. (*lasa . . . asa drigaratra iḏae su)///[hae] yasa kulavaravaṭ́haḏa yaspi gramaḏa yaspi ṇi‐​

69. (*gamaḏa yaspi ṇag̱araḏa yaspi jaṇapadaḏa eḏe trae kulaputra agaraḏa spaṇag̱aria parvayiḏa pras̱aṇacita eḏe trae kulaputra aṇusparea aspi jaṇapaḏas̱a asa drig̱aratra iḏae suha)///[e] yatra sadevao yava log̱e samarag̱a sabrama‐​

70. (*g̱a saṣamaṇabramaṇi praja sadevamaṇuṣ̱a eḏe trae kulaputra pras̱a)///[ṇa]cita aṇuspare sadevayesa log̱asa samara‐​

71. (*g̱asa sabramag̱asa saṣamaṇabramaṇie prajae) /// [sadivama]ṇuṣa⟨*e⟩ asa drikharatra iḏae suhae as̱a

72. (*o Drigae devaḏae geṣa śutva bhuma deva śadha ag̱arisu geṣa aṇuṣavisu la)///va Vajiṇa {su}⟪su⟫ladhalava Vajiṇa yatreḏa trae kulaü‐​

73. (*tra viharati Aṇarudha Ṇadia Ḵibhire caḏumaharayia deva trae)///[t]‍(*ri)śa deva Yama deva Tuṣiḏa deva ṇimaṇaraḏiṇa deva

74. (*paraṇimiḏavaśavatiṇa10 deva bramag̱ayia deva paraṇimiḏavaśavatina devaṇa ge)///[ṣ̱a] śutva śadha ag̱arisu geṣ̱a aṇuṣavisu iḏi te

75. (*aśpata teṇa kṣaṇeṇa teṇa layeṇa teṇa mahuṭ́heṇa yava bramalo)///[o] paḍisobiḏa ahuṣ̱i iḏam eya bhayava ata‐​

76. (*maṇa so Driga ḏevaḏa bhayavabhaṣiḏa aviṇadi ḏe)

Source: Silverlock 2015
SB (20170627); Silverlock 2015: paḍihameḏita
SB (20170628); Silverlock 2015: ekam ata
SB (20170628); Silverlock 2015: ekam ata
SB (20170629); Silverlock 2015: kici
SB (20170701); Silverlock 2015: [ṇ](*e)[vasa]ñasañaïḏaṇa{ṇa}
SB (20170702); Silverlock 2015: ṇaho
SB (20170702); Silverlock 2015: aṭ́hiḏe
SB (20170702); Silverlock 2015: [sadivama]ṇuṣa
SB (20170702); Silverlock 2015: (*paraṇmiḏavaśavatiṇa)
SB (20170702); Silverlock 2015: aśpata⟨*ṇa⟩
SB (20170702); Silverlock 2015: (*sa)///[ma]vati


Off
busy