Year Era Month Day
C.E. Ruler Aśoka Dynasty
Owner/donor Donor status
Subject School Type Royal Edict
Medium Stone Findspot Shāhbāzgarhi, Khyber Pakhtunkhwa, Pakistan Last known location Shāhbāzgarhi, Khyber Pakhtunkhwa, Pakistan
Editions Woolner 1924, 16–8; Hultzsch 1925, 60–2, pls. facing 56, 57 Other refs. Konow 1943, 69
Comments
Asoka Text and Glossary
Inscriptions of Asoka
Notes on the Central Asian Kharoṣṭhī Documents

18. (A) Devanaṃpriyo Priyadraśi r[a]ya evaṃ ahati (B) jano ucavucaṃ maṃgalaṃ karoti abadhe avahe vivahe pajupadane pravase ataye añaye ca ediśiy[e] jano ba⟨*hu⟩ maṃgalaṃ karoti (C) atra tu striyaka bahu ca bahu­vidhaṃ ca putika ca niraṭ́hiyaṃ1 ca maṃgalaṃ karo[ti] (D) so kaṭavo ca [va] kho maṃgala (E) apa­phala[ṃ] tu kho eta (F) imaṃ [t]u kho maha­phala ye ⟨*dhra⟩ma­maṃgala

19. (G) [a]tra ima dasabhaṭakasa sammapaṭipati garuna apaciti praṇanaṃ sa[ṃ]yamo śamaṇabramaṇana dana etaṃ añaṃ ca dhramamaṃga[laṃ] nama (H) [s]o vatavo pituna pi putrena pi bhrat⟨*u⟩na pi spamik[e]na pi mitrasastutena ava prativeśiyena imaṃ sadhu [imaṃ] kaṭa[vo] maṃgala[ṃ] yava tasa aṭhrasa nivuṭiya nivuṭaspi va p[u]na

20. imaṃ kaṣaṃ (I) ye hi etake magale saśayike taṃ (J) siya vo taṃ aṭ́haṃ2 nivaṭeyati siya puna no (K) ialoka ca vo taṃ (L) ida puna dhramamagalaṃ akalikaṃ (M) yadi puna taṃ aṭ́haṃ3 na nivaṭ[e]⟨*ti⟩ ia atha paratra anaṃtaṃ puñaṃ prasavati (N) haṃ ce puna taṃ ⟨*a⟩ṭ́haṃ4 nivaṭeti tato u[bha]y[e]sa ladhaṃ bhoti ia ca so aṭ́ho5 paratra ca anaṃtaṃ puñaṃ prasavati tena dhra⟨*ma⟩maṃgalena

Source: Hultzsch 1925
Footnotes
1 Konow; Hultzsch: niraṭhiyaṃ
2 Konow; Hultzsch: aṭhaṃ
3 Konow; Hultzsch: aṭhaṃ
4 Konow; Hultzsch: ⟨*a⟩ṭhaṃ
5 Konow; Hultzsch: aṭho
Konow; Hultzsch: niraṭhiyaṃ
Konow; Hultzsch: aṭhaṃ
Konow; Hultzsch: aṭhaṃ
Konow; Hultzsch: ⟨*a⟩ṭhaṃ
Konow; Hultzsch: aṭho
fragment
Off
busy