Year Era Month Day
C.E. Ruler Aśoka Dynasty
Owner/donor Donor status
Subject School Type Royal Edict
Medium Stone Findspot Shāhbāzgarhi, Khyber Pakhtunkhwa, Pakistan Last known location Shāhbāzgarhi, Khyber Pakhtunkhwa, Pakistan
Editions Woolner 1924, 8–10; Hultzsch 1925, 55–7, pls. facing 56, 57 Other refs. Turner 1936, 799–802; Konow 1943, 69
Comments
Asoka Text and Glossary
Inscriptions of Asoka
Sanskrit ā́‐kṣeti and Pali acchati in Modern Indo‐Aryan
Notes on the Central Asian Kharoṣṭhī Documents

11. (A) Devanapriyo Priyadraśi raya eva[ṃ] hahati (B) ka[la]ṇa[ṃ] dukara[ṃ] (C) [yo] a[dikaro kala]ṇasa so du[ka]raṃ karoti (D) so maya bahu kala⟨*ṇa⟩ṃ ki[ṭ]raṃ (E) taṃ maa putra ca nataro ca para[ṃ] ca [tena y]e me apaca akṣaṃti1 ava­kapaṃ tatha ye an[u]vaṭiśaṃti te s[u]kiṭa[ṃ] kaṣaṃti (F) yo cu ato (*e)kaṃ pi hapeśadi so dukaṭaṃ kaṣati (G) papaṃ h[i] sukaraṃ (H) sa atikrataṃ atara no bhuta­pruva dhraṃma­ma[ha]ma[tra] nama (I) so todaśa­vaṣabhisitena

12. maya dhrama­maha­matra kiṭa (J) te savra­praṣaṃḍeṣ[u] vapaṭa dhraṃmadhithanaye ca dhrama­vaḍhiya hida­sukhaye ca dhrama­yutasa Yona­Kaṃboya­Gaṃdharanaṃ Raṭhikanaṃ Pitinikanaṃ ye va pi aparaṃta (K) bhaṭamayeṣu bramaṇibheṣu anatheṣu vuḍheṣu [hita]­sukhaye [dhraṃ]ma­yutasa apalig[o]dha⟨*ye⟩ vap[a]ṭa te

13. (L) badhana­badhasa paṭividhanay[e] apalibodhaye mo[kṣaye] ayi anuba(*dha) prajava kiṭabhikaro va mahalake va viyapaṭa [t]e (M) ia bahireṣu ca nagareṣu savreṣu orodhaneṣu bhratuna ca me spas⟨*u⟩na ca ye va pi aṃñe ñatika savatra viyapuṭa (N) y[e] ayaṃ dh[r]ama­niśite ti va dhrama[dhitha]ne ti va dana­s[a]yute ti va savata vijite maa dhrama­yu[ta]si viyapaṭa te dhrama­maha­matra (O) etaye aṭ́haye2 [a]yi dhrama­dipi nipista c[i]ra­thitika bhot[u] ⟪ta[tha] ca [m]e p[r]aja anuvatatu⟫

Source: Hultzsch 1925
Footnotes
1 Turner 1936; Hultzsch: vrakṣaṃti
2 Konow; Hultzsch: aṭhaye
Konow; Hultzsch: aṭhaye
Turner 1936; Hultzsch: vrakṣaṃti
fragment
Off
busy