12. (A)atikrataṃ ata[raṃ] bahuni vaṣa­śa[ta]ni vadhite vo praṇaraṃ[bh]e vihi[sa] ca bhutanaṃ ñatina asapa[ṭ]ipati śrama[ṇa]­bramaṇana asa[ṃ]paṭipati

13. (B)se aja [De]vanapriyasa Priyadraśine rajine dhrama­[ca]ra[ṇe]na bheri­ghoṣe aho dhama­ghoṣe vimana­draśana asti[ne] agi­kaṃdhan[i] aña[ni ca] di[vani] rupani draśeti janasa

14. (C)[a]diśe bahuhi vaṣa­śa[tehi] na [hu]ta­pr[u]ve tadiśe [a]ja vaḍhite [De]vanapriyasa Priyadraśine rajine dhramanuśastiya anarabhe praṇana avihisa bhutana ñatina

15. saṃpaṭipati bamaṇa­śramaṇana sa[ṃ]paṭipati mata­pituṣu suśru[ṣa] vudhrana [su]śruṣa (D)eṣe añ[e] ca bahuvidhe dhrama­caraṇe vadhrite (E)vadhrayiśati yeva Devanapriye

16. Priyadraśi raja dhama­[ca]raṇa ima[ṃ] (F)[putra] pi ca ka natare ca paṇatika De[va]napriyasa Priyadaśine rajine pavaḍhayiśaṃti yo dhrama­caraṇa imaṃ [a]va­kapaṃ dhrame śile ca

17. [ci]ṭhitu dhra[maṃ] anu[śa]śiśaṃti (G)eṣe hi sreṭhe a[ṃ] dhramanuśaśana (H)dhrama­[ca]ra[ṇe] pi [ca] na hoti aśi[la]sa (I)se imasa athrasa vadhri ahi[ni ca] sadhu (J)etaye

18. athraye i[yaṃ] li[khi]te e[ta]sa [athra]sa vadhra yu[jaṃ]tu hini ca ma [alo]cay[i]su (K)duva[da]śa­vaṣabhisitena Devanapriyena Priyadraśina rajina iya[ṃ] likhapite