1. (A)Devanaṃpriyo Priyadraśi raya savra­praṣaṃḍani ⟪pravrajita[ni]⟫ grahathani ca pujeti danena vividhaye ca pujaye (B)no cu tatha [da]na va puja va

2. Devanaṃpriyo mañati yatha kiti sa[la]­vaḍhi siya savra­praṣaṃḍanaṃ (C)sala­vaḍhi tu bahuvidha (D)tasa tu iyo mula yaṃ vaca­guti

3. kiti ata­praṣaṃḍa­puja va pa[ra]­paṣaṃḍa­garana va no siya [a]pakaraṇasi lahuka va siya tasi tasi prakara[ṇ]e (E)pujetaviya va cu para­praṣa[ṃ]‐

4. [ḍa] tena tena akarena (F)e[v]aṃ karataṃ ata­p[r]aṣaṃḍaṃ vaḍheti para­praṣaṃḍa{ṃ}sa pi ca upakaroti (G)tad{a} añatha ka[ra]min[o] ata­p[raṣaṃḍa]

5. kṣaṇati para­[pra]ṣaḍasa ca apakaroti (H)yo hi kaci ata­praṣaḍaṃ pujeti [para]­p[r]aṣaḍa[ṃ] garahati savre ata­praṣaḍa­bhatiya va kiti

6. ata­praṣaṃḍaṃ dipayami ti so ca puna tatha karaṃtaṃ {so ca puna tatha karataṃ} ba[ḍhata]raṃ upahaṃti ata­praṣaḍaṃ (I)so sayamo vo sadhu kiti añamañasa dhramo

7. śruṇeyu ca suśruṣeyu ca ti (J)evaṃ hi Devanaṃpriyasa icha kiti savra­praṣaṃḍa bahu­śruta c[a] kal[aṇa]gama ca siyasu (K)ye ca tatra tatra

8. prasana teṣa[ṃ] vatavo (L)Devanaṃpriy[o] na [tatha da]na[ṃ va] p[u]ja va mañati ya[tha] kiti sala­vaḍhi siyati savra­praṣaḍanaṃ (M)bahuka ca etaye a[ṭha]‍(*ye)

9. vap[a]ṭa dh[ra]ma­ma[ha]matra i[stridhi]yakṣa­ma[ha]matra [vra]ca­bhumika añe ca nikaye (N)imaṃ ca etisa [pha]laṃ yaṃ ata­paṣaḍa­vaḍhi [bh]o[ti]

10. dhramasa ca di[pana]